1. Na Rialacha Cúirte Dúiche (An tAcht um Cheartas Coiriúil (Forálacha Ilghnéitheacha) 2009) 2010 is teideal do na rialacha seo.

2. Tiocfaidh na rialacha seo i ngníomh an 1ú lá d’Iúil 2010 agus forléireofar iad i dteannta na Rialacha Cúirte Dúiche eile go léir ó 1997 go 2010.

3. Leasaítear na Rialacha Cúirte Dúiche 1997 (I.R. Uimh. 93 de 1997):

......

​(vii) tríd an bhfo-riail seo a leanas a chur in ionad fho-riail (1) de riail 8 d’Ordú 28A:

“8. (1) I gcás ina ndéanfaidh an Chúirt duine lena mbaineann ordú arna dhéanamh faoi alt 99(1) den Acht a chiontú i gcion, ar cion é a rinneadh tar éis an t-ordú faoi alt 99(1) a dhéanamh, agus an duine sin a athchur faoi choimeád nó faoi bhannaí faoi alt 99(9) den Acht, déanfaidh an Chúirt ordú i bhFoirm 28A.14. Ar ordú den sórt sin a dhéanamh, cuirfidh an Cléireach cóip dheimhnithe den ordú leis an bpost chuig Cláraitheoir, Cláraitheoir Contae nó Cléireach (de réir mar a bheidh) na cúirte ar chuici a bheidh an duine a bheidh ciontaithe amhlaidh le hathchur.”

4. Déanfar na Foirmeacha darb uimhreacha 16.2, 18.2A, 18.2B, 27.9, 27.12, 28A.14, 28A.15 agus 28A.16 sa Sceideal a chur in ionad na bhFoirmeacha faoi seach ar a bhfuil na huimhreacha céanna i  Sceideal B de na Rialacha Cúirte Dúiche 1997 (I.R. Uimh. 93 de 1997). Déanfar an Fhoirm darb uimhir 27.6B a scriosadh as Sceideal B de na Rialacha Cúirte Dúiche 1997.