Ríomhcheadúnú

I measc na mbealaí nach beag inar féidir le cleachtóirí an CSOL a chur chun fónaimh dóibh féin maidir le hiarratas ceadúnaithe chun na Cúirte a bhainistiú, tá:

• An próiseas iarratais ar cheadúnas a chríochnú ó thús deireadh ar líne – iarratas a chruthú, liosta don Chúirt, páirtithe fógraí a sheirbheáil, táille iarratais a íoc (táille chúirte & mháil).
• Cásanna a rianú agus iarratas chun na Cúirte a bhainistiú ar líne ó chruthú an cháis go dtí ordú a bhailiú. Is féidir dul chun cinn iarratais tríd an bpróiseas cúirte a rianú anois.
• Tá cianrochtain 24/7 agat ar d’iarratais cheadúnaithe anois
• ríomhsheirbheáil ar pháirtí fógra le nach mbeadh aon ghá le dearbhuithe i dtaobh seirbheála a chomhlánú chun na cúirte le haghaidh iarratais ar líne
• Beidh teacht go leictreonach ar Orduithe Cúirte tríd an gcóras a luaithe a chuirfidh an oifig chúirte barr feabhais air ar an gcóras.
• Modh slán íocaíochta ar líne atá tacaithe ag próisis údaraithe inmhéanacha.
• Cláir leictreonacha lenár féidir áitribh cheadúnaithe a chuardach.
• Is bealach é d’oifigí aturnae chun am agus airgead a shábháil

Chun iarratas ceadúnaithe a chur isteach ar líne, caithfidh comhlachtaí dlíodóirí a gcomhlacht a chlárú ar Seirbhís Cúirteanna Ar Líne CSOL trí chuntas Úsáideora Riaracháin Cleachtais Dlí (LPAU) a chruthú. Is próiseas aonuaire é seo. A luaithe atá sé/sí cláraithe, beidh an Úsáideoir Riaracháin Cleachtais Dlí in ann úsáideoirí eile a chruthú dá gcomhlacht a mbeidh leibhéil éagsúla rochtana ceadaithe dóibh.

Is é CSOL an príomhbhealach dáileacháin le haghaidh gach ordú cúirte ceadúnaithe agus dá réir sin caithfidh tú clárú ar CSOL do Chomhlachtaí Dlíodóirí chun d’orduithe cúirte ceadúnaithe a bhailiú.

Cliceáil anseo le haghaidh an fhíseáin theagascaigh faoin gcóras clárúcháin do chomhlachtaí dlíodóirí. Ní ach trí chéim shimplí le cur díot chun an próiseas clárúcháin a dhéanamh:

Céim 1 –

www.csol.ie

• Bain leas as an suíomh gréasáin www.csol.ie chun cuntas a chruthú do do chomhlacht.
• Cliceáil ar an gcnaipe ‘Mo Chéad Uair ag Plé le CSOL’, nó an rogha ‘Cruthaigh Cuntas’ ag barr an scáileáin.
• Roghnaigh ‘Cuntas Comhlachta Dlíodóirí’ ón roghchlár anuas agus líon isteach na sonraí ábhartha.

Tabhair faoi deara na nithe seo a leanas le do thoil:

• Caithfear Google Chrome a úsáid chun rochtain a fháil ar CSOL.
• Ní mór seoladh ríomhphoist an té atá ag clárú a úsáid chun clárú, mar shampla, joebloggs@xsolicitors.ie.
• Ní féidir seoltaí ríomhphoist cineálacha a úsáid, mar shampla info@xsolicitors.ie chun clárú a dhéanamh. Is é an t-aon chás inar féidir eisceacht a dhéanamh ná má dheimhníonn an t-úsáideoir trí ríomhphost le CASU gurb é an sealbhóir cuntais amháin a bhfuil rochtain aige nó aici ar an seoladh ríomhphoist sin.

Céim 2 – Cáipéisíocht de láimh chun clárú a dhéanamh

Déanann an Úsáideoir Riaracháin Cleachtais Dlí an cháipéisíocht seo a leanas a íoslódáil agus a phriontáil amach:

• Páipéar ceannteidil an Chomhlachta Dlíodóirí agus é sínithe.
• Cóip de Dheimhniú Cleachtais reatha
• Foirm Iarratais Sínithe - íoslódáilte ó CSOL.
• Sainordú Dochair Dhírigh - íoslódáilte ó CSOL.
• Téarmaí agus Coinníollacha Sínithe - íoslódáilte ó CSOL.

Ní foláir na cáipéisí thuas a shíniú agus a sheoladh chuig:

An Láraonad Tacaíochta Iarratas (CASU),
An tSeirbhís Cúirteanna,
Oibríochtaí Cúirte Cuarda agus Dúiche,
Teach an Fhionnuisce,
Margadh na Feirme,
Baile Átha Cliath 7.
D07 F95Y

Chun dlús a chur leis an bpróiseas clárúcháin, is féidir na cáipéisí riachtanacha a sheoladh i ríomhphost chuig casu@courts.ie, agus na cáipéisí de láimh a chur sa phost ina dhiaidh sin.

Céim 3 – Gníomhachtaigh Cuntas Comhlachta / Oifige

• Nuair a fhaigheann an tSeirbhís Cúirteanna an cháipéisíocht, seolfar ríomhphost chuig an seoladh ríomhphoist a tugadh agus nasc gníomhachtaithe ann.
• Déanann riarthóir an chomhlachta/na hoifige de réir na dtreoracha sa ríomhphost, cliceálann sé nó sí ar an nasc a thugtar agus gníomhachtaíonn sé nó sí cuntas an chomhlachta/na hoifige ar CSOL.
• Beidh rochtain iomlán ag an riarthóir ar, agus é nó í go hiomlán freagrach as, cuntais úsáideora eile a chruthú agus a bhainistiú ar CSOL dá c(h)omhlacht. Moltar 2 chuntas Úsáideora Riaracháin Cleachtais Dlí ar a laghad a bheith ag gach Comhlacht Dlíodóirí

Féach ar na físeáin teagaisc riachtanacha thíos nach mór duit féachaint orthu sula gcláraíonn tú do CSOL:

• Forléargas ar ríomhcheadúnú
• An próiseas a bhaineann le gnólacht dlí a chlárú
• Cuntais úsáideora bhreise a chruthú agus a bhainistiú don ghnólacht
• Cuntais úsáideora a ghníomhachtú ar CSOL
• An ríomhchlár a chuardach
• Treoir maidir le Cuntas Úsáideora Fógrapháirtí a Chlárú agus a Ghníomhachtú ar an tSeirbhís Chúirteanna ar Líne (CSOL)
• Treoir maidir leis na Feidhmeanna agus na Gnéithe de Chuntas Úsáideora Fógrapháirtí ar an tSeirbhís Chúirteanna ar Líne (CSOL)