I measc na bhfoirgneamh phoiblí is tábhachtaí ar an Tulach Mhór, is struchtúr céimiúil í an chúirt, ní amháin mar gheall ar a dearadh ailtireachta, ach léiríonn sí tábhacht stairiúil agus pobail do mhuintir an bhaile.
Osclaíodh an teach cúirte in 1835 agus dódh é chun a chreatlach saoirseachta i mí Iúil 1922, i ndiaidh d’fhórsaí na Poblachta imeacht. Tugadh faoi oibreacha athchóiriúcháin idir 1925 agus 1927. Rinne na cúirteanna agus an Chomhairle Contae an foirgneamh a roinnt go dtí 2002 nuair a bhog Comhairle Contae Uíbh Fhailí chuig oifigí nua in aice láimhe. Thug sé seo deis an foirgneamh a athchóiriú le tionscadal athchóiriúcháin cuimsitheach a cuireadh i gcrích in 2007.
Bhain go leor dúshláin shuntasacha leis an seanfhoirgneamh maidir le slándáil agus inrochtaineacht. Soláthraíonn an foirgneamh nua i bhfad níos mó cóiríochta agus áiseanna ná mar a bhí ar fáil sa seanfhoirgneamh agus ceadaíonn sé rochtain do chách. Cuimsíonn an chóiríocht na nithe seo a leanas: trí sheomra cúirte; seomraí breithiúna; seomra giúiré; seomra dlí teaghlaigh, seomra tacaíochta d’íospartaigh, seomra fianaise físe, 12 sheomra comhairliúcháin / feithimh; seomra meán agus oifig phromhaidh. Tá áiseanna ann don Gharda Síochána agus don tSeirbhís Phríosún agus tá cóiríocht ann do phríosúnaigh lena n-áirítear sé chillín agus seomra slán agallaimh. Tá cóiríocht i lár an fhoirgnimh do chleachtóirí dlí atá ag filleadh ar an áit a raibh siad lonnaithe i dtús báire sna 1830idí.
Rinneadh Seomra an Ard-Ghiúiré san fhoirgneamh bunaidh 1832-1835 a athchóiriú. Tá cóiríocht ann do na hoifigí cúirte a dtugann an pobal cuairt orthu, lena n-áirítear seomraí cruinnithe príobháideacha. Tá Oifig Réigiúnach Lár Tíre na Seirbhíse Cúirteanna lonnaithe san fhoirgneamh freisin.
Tacaíonn Oifig Chúirte Thulach Mhór . le Teach Cúirte Tulach Mhór
