An féidir liom cur isteach ar thaithí oibre idirbhliana sa Chúirt Uachtarach?
Ba chóir gach iarratas ar thaithí oibre idirbhliana a chur de r-phost chuig workexperience@courts.ie
Cé na táillí atá i gceist maidir le ceapadh coimisinéir mionn?
Féach ar rannán Nótairí Poiblí agus Coimisinéir Mionn maidir le táillí a bhaineann lena leithéid d'iarratais.
Conas a cheaptar coimisinéir mionn?
Is d'achainí leis an bPríomh-Bhreitheamh, ag suí i gcúirt oscailte a dhéantar iarratais le bheith ceaptha mar choimisinéir mionn. Féach ar rannán Nótairí Poiblí agus Coimisinéir Mionn
Cé na táillí atá i gceist maidir le ceapadh nótaire poiblí?
Féach ar rannán Nótairí Poiblí agus Coimisinéir Mionn maidir le táillí a bhaineann lena leithéid d'iarratais.
Cá bhfuil teacht ar na foirmeacha i gcomhair ceapadh nótaire poiblí?
Tá na foirmeacha bainteacha ar shuíomh gréasáin na Seirbhíse Cúirte.
Conas a cheaptar nótaire poiblí?
An Príomh-Bhreitheamh, ag suí i gcúirt oscailte a cheapann nótairí poiblí. Féach ar rannán Nótairí Poiblí agus Coimisinéir Mionn
An bhfuil eisceacht ann don scála ama chun iarratas ar chead achomhairc a chur isteach?
Faoi Ordú 118 de Rialacha na nUas-Chúirteanna, tá Oifig na Cúirte Uachtaraí dúnta ar na laethanta seo a leanas: Satharn, Domhnach, Lá Nollag agus na 7 lá seo a leanas, Lá Fhéile Pádraig, Aoine an Chéasta, Luan agus Máirt Sheachtain na Cásca agus na laethanta a shocraítear mar laethanta saoire poiblí in oifigí poiblí.
Nuair a bhíonn an t-am i gcomhair iarratas a chur isteach caite ar lá a mbíonn an Oifig dúnta, ní mór an t-iarratas a chur isteach ar an gcéad lá eile a bhíonn an Oifig ar oscailt.
Má thugtar cead achomhairc dom, cé na chéad chéimeanna eile?
Ní mór duit, faoi cheann 7 lá den Chúirt cead achomhairc a thabhairt, fógra a chur isteach ar Fhoirm Uimh. 3 go bhfuil beartaithe agat dul ar aghaidh leis an achomharc agus an fógra sin a sheirbheáil ar gach freagróir achomhairc. De rogha air sin, ní mór duit fógra scríofa a chur isteach go bhfuil beartaithe agat an t-achomharc a tharraingt siar nó a chealú.
Cá huair a chuirfear in iúl dom faoi chinneadh m'iarratais?
Cuirfear in iúl duit faoin gcinneadh de r-phost nó sa phost go gearr i ndiaidh an chruinnithe den phainéal. Foilsítear gach cinneadh de chuid na Cúirte ar shuíomh gréasáin na Seirbhíse Cúirteanna. Tá teacht ar chinntí anseo.
Conas a phléitear le hiarratais ar chead achomhairc sa Chúirt?
Nuair a fhaigheann siad an leabhar breise doiciméad, tionóltar painéal de thriúr breithiúna de chuid na Cúirte Uachtaraí chun a shocrú an gcomhlíontar an tairseach bhunreachtúil chun cead achomhairc a thabhairt. I ndiaidh an t-iarratas a mheas, eisíonn an painéal cinneadh scríofa ag maíomh cé acu a tugadh nó nár tugadh cead achomhairc. Cé gur ó bhéal agus go poiblí a dhéantar éisteachtaí achomhairc, is iondúil go ndéantar iarratais ar chead achomhairc go príobháideach, mar a fhoráiltear go sainiúil ina leith san Acht um an gCúirt Achomhairc 2014. Féadann an Chúirt éisteacht ó bhéal a ordú i leith an iarratais nuair a mheasann sí gur cuí.
Cé na doiciméid atá le cuimsiú sa leabhrán iarratais ar chead?
Tá na doiciméid seo a leanas le cuimsiú:
- an t-iarratas ar chead
- aon fhógra a chuir freagróir isteach
- an t-ordú a n-achomharctar uaidh
- an t-ordú faofa a ndearnadh an t-ordú sin dá bhun
- aon ordú deiridh nó breithiúna(i)s f(h)aofa de chuid gach cúirt eile thíos
- deimhniú seirbhíse.
Féach paragraf 8 de Treoir Chleachtais SC 19.
Conas a dhéanaim crosiarratas ar chead achomhairc?
Is féidir crosiarratas a dhéanamh tríd an rannán cuí a chomhlánú ar an bhFógra Freagróra.
An bhfuil táille i gceist as Fógra Freagróra a chur faoi bhráid na Cúirte Uachtaraí?
Níl aon táille i gceist.
Conas a fhreagraím d'iarratas ar chead achomhairc?
Trí chomhlánú agus cur isteach an Fhógra Freagróra. Féach fosta paragraf 5 de Threoir Chleachtais SC 19.
Cén áit ar an suíomh seo a bhfuil teacht ar an bhfoirm iarratais Cead Achomhairc?
Tá gach foirm a bhaineann leis an gCúirt Uachtarach ar an suíomh gréasáin anseo.
An bhfuil aon treoirlínte ann ina leagtar amach an nós imeachta chun iarratas ar chead achomhairc a dhéanamh sa Chúirt Uachtarach?
Tá - Treoir Chleachtais SC 19 ina leagtar amach an nós imeachta atá i gceist.
Cén cháipéisíocht atá uaim chun iarratas ar chead achomhairc a chur faoi bhráid Oifig na Cúirte Uachtaraí?
- Foirm 1 chomhlánaithe
- cóip fhianaithe den ordú óna bhfuiltear ag iarraidh cead achomhairc
- sa chás inar tugadh breithiúnas scríofa:
- cóip fhianaithe atá faofa ag an gcúirt (más ar fáil)
- mura bhfuil sí ar fáil láithreach, a luaithe a bheidh
Féach fosta Conas a chuirim isteach iarratas ar chead achomhairc?