Is é is fíneáil ann suim airgid a shocraíonn breitheamh atá le híoc mar phionós as cion. Socraíonn an chúirt an méid atá le híoc agus an líon laethanta atá ceadaithe chun é a íoc. Eisíonn oifig na cúirte an fógra fíneála i ndiaidh na héisteachta cúirte.
Roghanna íoctha fíneála
Is féidir fíneáil a íoc ina hiomláine nó ina tráthchodanna. Is féidir í a íoc ina hiomláine ag aon oifig chúirte, ag An Post nó ar líne laistigh den am a cheadaíonn an breitheamh.
Ní féidir íoc ina tráthchodanna ag An Post ach amháin:
- má tá an fhíneáil níos mó ná €100.00
- go n-íoctar an chéad sciar faoi cheann 42 lá den chúirt an fhíneáil a ghearradh
- má tá an chéad íocaíocht mar an gcéanna le nó níos mó ná 10% den fhíneáil.
Má roghnaíonn tú íoc ina thráthchodanna, tá bliain agus 42 lá agat chun an fhíneáil iomlán a íoc. I ndiaidh na chéad íocaíochta, tá gach sciar eile le híoc faoi cheann 30 lá den sciar roimhe (faoi réir íosmhéid €5.00). Gheobhaidh tú plean íocaíochta i ndiaidh an chéad sciar a íoc.
Ní mór an chead tráthchuid a íoc faoi cheann 6 seachtaine de chinneadh na cúirte. Mura n-íoctar é, ní mór duit suim iomlán na fíneála a íoc agus ní ceadmhach íoc ina thráthchodanna a roghnú.
Áiteanna chun fíneáil a íoc
Is féidir fíneáil a íoc trí:
- rogha Íocaíocht Fíneálacha Ar Líne ar an suíomh gréasáin seo
- bualadh isteach chuig aon oifig de chuid An Post
- glaoch ar 01 7057600 (nó rogha gheografach 065 9080208)
- d'íocaíocht a sheoladh le cois d'fhógra fíneála sa chlúdach réamhíoctha ar a bhfuil seoladh a tháinig le d'fhógra fíneálacha.
Ba chóir íocaíocht phoist a thabhairt don tSeirbhís Cúirteanna. Ná seol airgead tirim sa phost. Ní ghlacfaimid seiceanna iardhátaithe.
Conas fíneáil a íoc
Braitheann an dóigh a n-íocann tú ar conas agus cén áit a roghnaíonn tú an fhíneáil a íoc. Is féidir íoc le hairgead tirim (Euro), seic (de chuid bainc as Éirinn), cárta creidmheasa(Visa/ Mastercard srl), cárta dochair (Visa/ Mastercard/ Maestro), ordú poist/airgid nó dréacht bainc.
Cad a tharlóidh mura n-íocfaidh mé m'fhíneáil?
Mura n-íocfaidh tú d'fhíneáil nó mura n-íocfaidh tú tráthchuid faoin dáta dlite, gheobhaidh tú fógra forfheidhmithe fíneála. Déarfar leat an dáta agus an t-am is gá duit freastal ar éisteacht eile. Ag an éisteacht sin, tabharfar deis duit an fhíneáil nár íocadh fós a íoc ina hiomláine nó féadann an breitheamh rogha acu seo a leanas a dhéanamh (in ord):
- astú tuillimh
- ordú aisghabhála – d'fhíneálacha breis agus €500 nó fíneálacha corparáideacha amháin
- seirbhís sa phobal
- príosúnacht.