Cuirtear na socruithe seo a leanas in iúl do chleachtóirí le linn Shaoire na Cásca 2025.
Beidh Breitheamh Ard-Chúirte ar fáil gach lá le linn na Saoire chun iarratais PHRÁINNEACHA amháin a éisteacht.
I gcás aon ábhar den sórt sin, déan teagmháil leis na Ceithre Cúirteanna ag 01-8886000 agus déan socruithe le Cláraitheoir na hArd-Chúirte ar Dualgas. Ní liostófar iarratais os comhair an Bhreithimh saoire gan deimhniú ó Chláraitheoir na hArd-Chúirte ar Dualgas go bhfuil práinn chuí leis an ábhar. Iarrtar ort a bheith sásta míniú a thabhairt i scríbhinn trí ríomhphost ar an bpráinn agus go sonrach ar na cúiseanna nach mór an t-iarratas a éisteacht láithreach nó go pras.
Beidh gach suí os comhair an Bhreithimh saoire ar siúl ó Luan go hAoine i gCúirt 6 sna Ceithre Cúirteanna ag 11.00 r.n. mura gcuireann Cláraitheoir na hArd-Chúirte ar Dualgas a mhalairt in iúl.
Bannaí agus Eiseachadadh
Chomh maith leis an méid thuas, suífidh an Liosta Bannaí i dTeach Cúirte Chnoc na Seamar ar na dátaí seo a leanas:
- Máirt 15 Aibreán 2025
- Déardaoin 17 Aibreán 2025
- Máirt 22 Aibreán 2025
- Déardaoin 24 Aibreáin 2025
Suífidh an Liosta Eiseachadta i gCúirt 20 sna Cúirteanna Breithiúnais Coiriúla
- Céadaoin 16 Aibreán 2025
Dialann Dlí
Foilseofar an Dialann Dlí ar shuíomh gréasáin na Seirbhíse Cúirteanna (www.courts.ie) gach lá a mbeidh an Phríomh-Oifig ar oscailt le linn Saoire na Cásca (Luan, 14 Aibreán, Máirt, 15 Aibreán, Céadaoin, 16 Aibreán, Déardaoin, 17 Aibreán, Céadaoin, 23 Aibreán, Déardaoin, 24 Aibreán agus Aoine, 25 Aibreán 2025).
Príomh-Oifig na hArd-Chúirte
De réir Rialacha na nUaschúirteanna dúnfaidh an Phríomh-Oifig ag 4.30i.n. ar Dhéardaoin 17 Aibreán 2025 agus athosclófar í ar Chéadaoin 23 Aibreán 2025 ag 10r.n.
Is féidir gnó a dhéanamh sa Phríomh-Oifig trí choinne a dhéanamh trí úsáid a bhaint as an gcóras coinní ar líne https://www.courts.ie/appointments. Maidir le ceisteanna práinneacha, sa chás nach féidir áirithint a dhéanamh ar líne, seol ríomhphost dublincivillaw@courts.ie chun coinne a dhéanamh.
Kim Duffy
Príomhchláraitheoir
10 Aibreán 2025