Tá na socruithe seo a leanas déanta ag Uachtarán na hArd-Chúirte chun nithe a bhaineann leis an Ard-Chúirt a liostú in Ionaid Chúigeacha, le héifeacht ó 28 Aibreán 2025.
-
Gníomhaíochtaí Díobhálacha Pearsanta agus Marfacha in Ionaid Chúigeacha
Glacfaidh an Breitheamh Tony O’Connor an glaoch ar gach Seisiún Cúige de Dhíobhálacha Pearsanta ar dhátaí a fhoilseofar sa Dialann Dlí.
Ag na glaoigh sin, ba cheart do na páirtithe an fhaisnéis fhorlíontach seo a leanas a sholáthar don Chúirt:
- dáta faibhrithe na cúise nó na gcúiseanna caingne sna himeachtaí;
- Na dátaí comhlíontachta iarbhír nó ionchasacha ag na páirtithe uile le O.39 (46) de RSC;
- An fad a mheastar a mhairfidh an triail;
- Más measúnú ar dhamáistí amháin a bheidh san éisteacht;
- Cé acu a d’fhéadfadh nó nach bhféadfadh saoráidí VMR do shaineolaí nó d’fhinné eile a bheith ag teastáil ag an triail: agus
- Sonraí maidir le cathain agus cén áit a bhfuil aon foriarratais atá fós gan réiteach sna himeachtaí liostaithe ionas go bhféadfar iad a athliostú lena n-éisteacht roimh na Seisiúin nó lena linn.
Féadfar scoithphointe le haghaidh imeachtaí a shonrú san fhógra atá le foilsiú le haghaidh gach glaoigh, ar scoithphointe é a bhféadfadh sé nach bhfaigheadh sé dáta trialach ag na chéad Seisiúin eile agus liostófar na cásanna sin go huathoibríoch do na Seisiúin ina dhiaidh sin.
Cuirfear imeachtaí nach mbeidh réidh le dul ar aghaidh sna Seisiúin tar éis an ghlaoigh ar atráth go ginearálta agus beidh cead acu dul ar ais isteach arís.
Féadfar cásanna nach mbeidh aon freastal ar an nglaoch ina leith a chur ar atráth go ginearálta agus cead acu dul ar ais nó an fógra trialach a scriosadh amach, de rogha na Cúirte.
Chun imeachtaí a athiontráil i gcomhair trialach a cuireadh ar atráth go ginearálta, ba cheart don Pháirtí atá ag iarraidh athiontráil:
- Seol ríomhphost chuig HighCourtProvincialSittings@courts.ie ag deimhniú go soiléir cé na páirtithe a thoiligh nó nár thoiligh leis an athiontráil.
- Ba cheart an ríomhphost seo a fháil tráth nach déanaí ná 10 lá roimh an nglaoch ar na Seisiúin ábhartha
Is féidir páipéir le haghaidh éisteachtaí i gcaingne Díobhálacha Pearsanta a thabhairt suas don Chúirt ar lá na héisteachta.
-
Neamhghiúiré, Athbhreithniú Breithiúnach agus Nithe Seansaireachta in Ionaid Chúigeacha
Féadfaidh an breitheamh atá i bhfeighil ar na liostaí sin éisteachtaí in imeachtaí ó na liostaí thuas a aistriú chuig na Seisiúin Chúigeacha (faoi réir inniúlacht an liosta ag na Seisiúin ábhartha agus faoi réir rogha an bhreithimh atá i bhfeighil ar na liostaí sin).
Moltar do chleachtóirí cásanna a shainaithint ó na liostaí sin a bheadh oiriúnach le héisteacht le linn na Seisiún Cúigeacha agus iarratas a dhéanamh ar na cásanna sin a aistriú amhlaidh. Baineann sé seo le trialacha agus le foriarratais/iarratais araon i ndáil le cásanna sna liostaí sin.
Chomh luath agus a aistríodh isteach i Seisiúin Chúigeacha:
- Cuirfear na himeachtaí san áireamh sa ghlaoch ar na Seisiúin Chúigeacha sin.
- Ag an nglaoch sin, ba cheart do na páirtithe a shoiléiriú an bhfuil an meastachán d’fhad na héisteachta fós mar a fógraíodh roimhe sin é agus an bhfuil treoracha fós le comhlíonadh.
- Nuair a leithdháiltear dáta éisteachta orthu ag na Seisiúin Chúige, ní mór na páipéir le haghaidh éisteachtaí i gcúrsaí Neamh-Ghiúiré, Athbhreithnithe Bhreithiúnaigh agus Seansaireachta a aistrítear amhlaidh a thaisceadh i gcóip bhog trí ríomhphost chuig HighCourtProvincialSittings@courts.ie faoi 4pm ar Mháirt na seachtaine roimh dháta na héisteachta ag na seisiúin chúigeacha ábhartha.
- Ní mór gach aighneacht scríofa a ullmhaítear de réir na dtreoracha a thugtar a mharcáil agus a áireamh sna cóipleabhráin bhoga. Ba cheart cóipeanna crua de pháipéir a taisceadh cheana féin i gcóip bhog in éineacht leis na húdaráis ábhartha a bheith ar fáil lena dtabhairt isteach sa Chúirt lá na héisteachta.
-
Neamhghiúiré, Athbhreithniú Breithiúnach agus Nithe Seansaireachta Chorcaí
Leanfar ar aghaidh ag éisteacht le hábhair Neamhghiúiré, Athbhreithniú Breithiúnach agus Nithe Seansaireachta sna suíonna speisialta a shocraítear gach téarma do Chorcaigh. Leanfaidh na socruithe atá ann cheana maidir le hábhair den sórt sin d’fheidhm a bheith acu. Tá na hábhair sin ina n-ábhar do liosta aistrithe tiomnaithe.
Moltar do chleachtóirí freisin cásanna a aithint ó na liostaí seo a bheadh oiriúnach le héisteacht i gCorcaigh le linn shuíonna Chorcaí agus iarratais a dhéanamh go n-éistfí cásanna den sórt sin i gCorcaigh leis na breithiúna atá i bhfeighil ar na liostaí.
8 Aibreán 2024
An Breitheamh David Barniville
Uachtarán na hArd-Chúirte