Bille Sibhialta le haghaidh Sealbhaithe
Is é seo an doiciméad a úsáidtear chun iarratas a dhéanamh ar Ordú Athshealbhaithe sa Chúirt Chuarda ag d'iasachtóir morgáiste. Gheobhaidh tú an Bille Sibhialta le haghaidh Sealbhaithe 21 lá ar a laghad roimh d’éisteacht chúirte.
Ar an mBille Sibhialta tabharfar an cosantóir ort agus tabharfar an Gearánaí ar an iasachtóir morgáiste.
Tá an t-eolas seo a leanas sa Bhille Sibhialta a fuair tú:
- Teideal do cháis/uimhir thaifid cáis.
- An dáta a n-éistfear le do chás sa chúirt ('an dáta fillte'). Tá sé ríthábhachtach go dtugann tú faoi deara go cúramach an dáta agus an t-am do do chás. Ní mór duit freastal ar an gcúirt ar an dáta sin.
- An Chuaird agus an Contae ina bhfuil d'éileamh á chur isteach ag an iasachtóir morgáiste.
- Ainm, seoladh agus ríomhphost an iasachtóra morgáiste chomh maith le sonraí a n-aturnaetha.
- Eolas maidir le freagra a thabhairt ar an mBille Sibhialta le haghaidh Sealbhaithe. Chun tuilleadh eolais a fháil, féach an freagra ar Bhille Sibhialta le haghaidh Sealbhaithe.
- Sonraí an cháis atá á dhéanamh i do choinne - is féidir é seo a fháil sa rannán 'Formhuinithe Speisialta' den Bhille Sibhialta le haghaidh Sealbhaithe. Leagfar amach ann freisin an t-ordú atá an t-iasachtóir morgáiste ag iarraidh ar an gcúirt a dhéanamh.
Doiciméid eile a gheobhaidh tú
Gheobhaidh tú roinnt doiciméad cúirte eile in éineacht le do Bhille Sibhialta le haghaidh Sealbhaithe, lena n-áirítear:
- Mionnscríbhinn (ráiteas faoi mhionn ina leagtar amach na fíricí agus na doiciméid ábhartha mar chuid de chás) ón iasachtóir morgáiste. Beidh sé seo ag gabháil leis an mBille Sibhialta le haghaidh Sealbhaithe. Áirítear leis seo doiciméid agus fianaise atá le húsáid sa chás atá á dhéanamh i do choinne.
- Foirm láithris bhán (Foirm Taifeadta Láithris (Foirm 5)). Ní mór an fhoirm seo a chomhlánú chun a chur in iúl don chúirt go bhfuair tú an Bille Sibhialta agus go n-aithníonn tú é. Chun tuilleadh eolais a fháil, féach conas d’fhoirm Iontrála Láithris a chomhlánú.
Conas a gheobhaidh tú na doiciméid seo
Gheobhaidh tú an doiciméad seo tríd an bpost cláraithe nó eile tabharfaidh Seirbheálaí Toghairme duit é (Duine a dhéanann speisialtóireacht ar dhoiciméid dlí a sheirbheáil, agus a ghearrfaidh táille ar an tseirbhís seo.)
Féach an t-eolas maidir le seirbhís phearsanta ar ár leathanach seirbheáil agus cruthúnas seirbheála.
