1. San Ordú seo ciallaíonn ‘‘an tAcht’’ an tAcht um Chlárú Ainmneacha Gnó, 1963, agus ciallaíonn ‘‘an tAire’’ an tAire Tionscail, Trádála, Tráchtála agus Turasóireachta.
2. Is le toghairm speisialta a dhéanfar gach iarratas faoi alt 5 (3) den Acht.
3. (1) Is le hachainí a thionscnófar gach achomharc faoi alt 14 (1) den Acht, agus déanfar an achainí a thíolacadh laistigh de lá is fiche tar éis don duine a bheidh ag iarraidh clárú fógra a fháil faoi dhiúltú an Aire clárú a cheadú.
(2) Déanfar cóip den achainí a sheirbheáil ar an Aire.
(3) A luaithe a bheidh an achainí tíolactha, déanfaidh an t-achainíoch iarratas chun na Cúirte ar ordacháin i dtaobh na n-imeachtaí a bheidh le tionscnamh, agus, ar an iarratas sin a éisteacht, féadfaidh an Chúirt cibé ordú a dhéanamh i dtaobh fógra faoin achainí a fhoilsiú, agus faoin lá a mbeidh sí le héisteacht, agus cibé ordacháin eile a thabhairt is cuí léi.
