Baile
As BéarlaAs Gaeilge
Cuardaigh le haghaidh Cliceáil chun Cuardach a dhéanamh
Ard-Chuardach
Leagan Inphriontáilte
Na Ranna go LéirTreoracha CleachtaisRialacha Cúirte Téarmaí & Suíonna
Dialann Dlí Oifigí & LéarscáileannaBreithiúnais & Cinntí

Rialacha na nUaschúirteanna

Ordú: 2

Nós imeachta le toghairm achomair

Táthar tar éis an/na leasú/leasuithe seo thíos a dhéanamh don uirlis seo. Cliceáil ar an/na na(i)sc lena bhfeiceáil/fheiceáil:

Uim2-I.R. Uimh. 551 De 2008


1. Féadfar nós imeachta le toghairm achomair a ghlacadh sna haicmí éileamh seo a leanas:—
      (1) I ngach caingean nach mbeidh á iarraidh ag an ngearánaí inti ach fiach nó éileamh leachtaithe in airgead a ghnóthú, is iníoctha ag an gcosantóir, le hús nó gan ús, agus a bheidh ag teacht—

        (a) de chonradh, sainráite nó intuigthe (mar shampla, de bhille malairte, nóta gealltanais, nó seic, nó d’fhiach conartha shimplí eile); nó

        (b) de bhanna nó conradh faoi shéala chun suim leachtaithe airgid a íoc; nó

        (c) de reacht i gcás inar suim chinnte airgid, nó de chineál féich seachas pionós, an tsuim a mbeifear ag iarraidh í a ghnóthú; nó

        (d) de ráthaíocht, cibé acu an faoi shéala í nó nach ea, i gcás inar i leith féich nó éilimh leachtaithe amháin an t-éileamh in aghaidh na príomhshuime; nó

        (e) d’iontaobhas.


      (2) I gcaingne ina n-iarrfaidh tiarna talún seilbh a aisghabháil ar thalamh, le héileamh nó gan éileamh ar chíos nó ar fhoghailbhrabúis—

        (a) i gcoinne tionónta a mbeidh a théarma caite nó foirceanta go cuí le fógra fágála; nó

        (b) mar gheall ar neamhíoc cíosa.


      (3) Éilimh inar mian leis an ngearánaí ar an gcéad ásc go dtógfar cuntas.
2. Féadfar an nós imeachta le toghairm achomair a ghlacadh le toiliú na bpáirtithe uile i gcás éilimh nach mbeidh ag teacht faoi réim aon aicme de na haicmí i riail 1.