Baile
As BéarlaAs Gaeilge
Cuardaigh le haghaidh Cliceáil chun Cuardach a dhéanamh
Ard-Chuardach
Leagan Inphriontáilte
Na Ranna go LéirTreoracha CleachtaisRialacha Cúirte Téarmaí & Suíonna
Dialann Dlí Oifigí & LéarscáileannaBreithiúnais & Cinntí

Rialacha na Cúirte Cuarda

Leasuithe ar: Ordú 2
I.R. Uimh. 618 de 2015: Na Rialacha Cúirte Cuarda (Dlínse agus Aithint agus Forghníomhú Breithiúnas in Ábhair Shibhialta nó Tráchtála), 2015


....

3. Leasaítear na Rialacha Cúirte Cuarda:
      (i) tríd an teideal “Cásanna lena mbaineann Coinbhinsiún na Bruiséile, Coinbhinsiún Lugano nó Rialachán Uimh. 1215/2012” a chur in ionad an teidil “Coinbhinsiún na Bruiséile 1968” roimh mhír (h) d’Ordú 2”;

      (ii) trí na míreanna seo a leanas a chur in ionad mhíreanna (j)go (k) d’Ordú 2:


        (j) Más rud é go mbraitheann dlínse ar shainchónaí corparáide nó comhlachais, is é an Breitheamh den Chúirt Chuarda a bheidh sannta de thuras na huaire don Chuaird ina bhfuil a hoifig chláraithe nó a oifig chláraithe (nó i gcás nach mbeidh aon oifig chláraithe ann, an áit a foirmíodh í) nó a riarachán lárnach nó a phríomh-áit ghnó ag an gcorparáid nó ag an gcomhlachas a fheidhmeoidh an dlínse sin de réir Airteagal 63 de Rialachán Uimh. 1215/2012.

        (k) Faoi réir Chaibidil II de Rialachán Uimh. 1215/2012 nó, de réir mar a bheidh, faoi réir Theideal II de Choinbhinsiún Lugano, is breitheamh den Chúirt atá sannta de thuras na huaire don chuaird ina bhfuil gnáthchónaí ar an gcosantóir, nó ar dhuine de na cosantóirí, nó ina seolann an cosantóir, nó aon duine de na cosantóirí, aon ghairm, gnó nó slí bheatha, a dhéanfaidh, de réir Rialachán 11(1) de Rialacháin an Aontais Eorpaigh (Breithiúnais Shibhialta agus Thráchtála), 2015, dlínse na Cúirte in imeachtaí a fhéadfar a thionscnamh sa Stát de réir Airteagal 4, 11(1)(a), 14, 18, 21(1)(a) nó 22, nó an choinníll a ghabhann le hAirteagal 24(1) de Rialachán Uimh.1215/2012 nó, de réir mar a bheidh, Airteagal 2, 9(1)(a), 12, 16, 19(1) nó 20 nó an choinníll a ghabhann le hAirteagal 22(1) de Choinbhinsiún Lugano, a fheidhmiú.

        (l) Is breitheamh den Chúirt atá sannta de thuras na huaire don chuaird ina bhfuil gnáthchónaí ar an ngearánaí, nó ar dhuine de na gearánaithe nó ina seolann an gearánaí, nó aon duine de na gearánaithe, aon ghairm, gnó nó slí bheatha, a dhéanfaidh, de réir Rialachán 11(3) de Rialacháin an Aontais Eorpaigh (Breithiúnais Shibhialta agus Thráchtála), 2015, dlínse na Cúirte a bhaineann le himeachtaí a fhéadfaidh gearánaí ar a bhfuil sainchónaí sa Stát a thionscnamh sa Stát de réir Airteagal 11(1)(b)nó18de Rialachán Uimh. 1215/2012 nó, de réir mar a bheidh, de réir Airteagal 9(1)(b) nó 16 de Choinbhinsiún Lugano, a fheidhmiú.

        (m) Is breitheamh den Chúirt atá sannta de thuras na huaire don chuaird ina seolann an gearánaí, nó duine de na gearánaithe, aon ghairm, gnó nó slí bheatha de ghnáth, nó inar sheol sé nó sí an céanna le déanaí, a dhéanfaidh, de réir Rialachán 11(4) de Rialacháin an Aontais Eorpaigh (Breithiúnais Shibhialta agus Thráchtála), 2015, dlínse na Cúirte a bhaineann le himeachtaí a fhéadfaidh gearánaí ar a bhfuil sainchónaí sa Stát a thionscnamh sa Stát de réir Airteagal 21(1)(b)(i) de Rialachán Uimh. 1215/2012 a fheidhmiú.


.....