Gnó giúiré

Bíonn giúiréithe ag teastáil i dtrí réimse de chuid an chórais chúirteanna:

• Cúirteanna Coiriúla Cuarda
• Príomh-Chúirteanna Coiriúla
• An Ard-Chúirt (caingne sibhialta seachas díobhálacha pearsanta)

Bíonn an Cláraitheoir Contae freagrach as giúiré a roghnú do na cúirteanna coiriúla cuarda i ngach ceann de na sé chontae is fiche. Ní reáchtáiltear ach líon beag trialacha coiriúla i roinnt contaetha.

Ní ghlaoitear ach ar an íoslíon giúróirí i roinnt contaetha toisc go gcaithfear glao ar ghiúróirí do thrialacha den sórt sin ón gcontae ina n-éistfear leis an triail.

Déantar tromlach na ngiúróirí, mar sin, a thoghairm istigh i mBaile Átha Cliath.

Bunaítear roghnú an ghiúiré ar rolla de thoghthóirí i ngach contae.

Cuireann an t-údarás áitiúil an rolla ar fáil.

Roghnaítear giúiréithe ar bhonn timthriallach cheithre bliana .i. ní ghlaofar ar ghiúróirí ar glaodh orthu sa chéad bhliain den timthriall i rith na chéad trí bliana eile.

Eisítear toghairmeacha do na daoine a roghnaíodh sé seachtaine roimh dháta an tsuí chúirte agus freagróidh líon áirithe acu. Ní bheidh roinnt de na daoine sin a thabharfaidh freagra incháilithe m.sh. baill foirne cúirte, gardaí.

Beidh leithscéal ag roinnt acu de réir cirt m.sh. os cionn 70 bliain d'aois, bodhar, neamhlitearthacht.

Glactar le leithscéal ó roinnt acu faoi rogha an Chláraitheora Chontae.

Aontóidh an líon atá fágtha le seirbheáil ar an ngiúiré.

Eisítear meabhrúcháin chuig na daoine sin nach dtugann freagra.

Féadtar a thuilleadh faisnéise faoi sheirbhís ghiúiré a fháil i roinn na Seirbhíse Giúiré.